काठमाडौं — नेकपा एमालेका अध्यक्ष केपी शर्मा ओलीले झापाबाट काठमाडौं फर्किने क्रममा त्रिभुवन अन्तर्राष्ट्रिय विमानस्थलमा आफूमाथि सुन तस्करलाई जस्तै व्यवहार गरिएको आरोप लगाएका छन्।
पार्टी मुख्यालय च्यासलमा आयोजित एक कार्यक्रमलाई सम्बोधन गर्दै अध्यक्ष ओलीले विमानस्थलमा कडाइका साथ चेकिङ गरेर आफूलाई अनावश्यक रूपमा हैरान पारिएको बताए। उनले अघिल्लो पटक यात्रा गर्दा राम्रो व्यवहार भएको भए पनि यसपटक भने अत्यधिक चेकिङ गरिएको गुनासो गरे।
‘अस्ति जाँदा त राम्रो व्यवहार गरेको थियो। हिजो फर्किँदा त नेत्र जलिसकेछ, सुन तस्करझैँ चेकिङ गरेर हैरान पारेको छ,’ ओलीले भने। चेकिङका विषयमा प्रश्न गर्दा ‘माथिको आदेश’ रहेको जवाफ पाएको उनको भनाइ छ।
अध्यक्ष ओलीले आफूलाई हेप्ने उद्देश्यले यस्तो व्यवहार गरिएको अनुभूति भएको उल्लेख गर्दै यसले राज्य संयन्त्रको कार्यशैलीमाथि प्रश्न उठाएको टिप्पणी गरे।
