काठमाडौं । राष्ट्रिय प्रजातन्त्र पार्टी (राप्रपा) ले आइतबार हुने राष्ट्रिय सभाको निर्वाचनमा सहभागी नहुने निर्णय गरेको छ।
राप्रपा प्रवक्ता मोहन श्रेष्ठले पार्टीको तर्फबाट राष्ट्रिय सभामा कुनै पनि उम्मेदवार नभएको जानकारी दिँदै आगामी प्रतिनिधिसभा निर्वाचनमा केन्द्रित हुनुपर्ने भएकाले राष्ट्रिय सभा निर्वाचनमा सहभागी नहुने निर्णय गरिएको बताए।
उनका अनुसार पार्टीका सम्पूर्ण प्रतिनिधि र संगठन आगामी प्रतिनिधिसभा निर्वाचनको तयारीमा केन्द्रित छन्।
“हामी सम्पूर्ण रूपमा आगामी प्रतिनिधिसभा निर्वाचनमा केन्द्रित भएका छौँ,” श्रेष्ठले भने, “त्यसैले राष्ट्रिय सभाको निर्वाचनमा सहभागी नहुने निर्णयमा पुगेका हौँ।”
राप्रपाले रणनीतिक रूपमा प्रतिनिधिसभा निर्वाचनलाई प्राथमिकतामा राख्दै राष्ट्रिय सभा निर्वाचनबाट अलग रहने निर्णय गरेको जनाएको छ।
