विराटनगर । एसियन थाई फुड्सले आइतबार आफ्नो नयाँ उत्पादन ‘डेभिल्स हट चिकेन नुडल्स’ सार्वजनिक गरेको छ।
मसालेदार स्वाद अनुभव गराउने उद्देश्यले ल्याइएको यो नुडल्स कम्पनीको नवीनतम् प्रस्तुति रहेको कम्पनीले जनाएको छ ।
२५ वर्षभन्दा बढीको यात्रासहित ३० भन्दा बढी देशमा उत्पादन निर्यात गर्दै आएको एसियन थाई फुड्सले विगत पाँच वर्षदेखि नुडल्स निर्यातमा अग्रस्थान कायम राख्दै आएको छ ।
यो नुडल्स सन्तुलित मसालाको मिश्रण र तीव्र स्वादले उपभोक्तालाई फरक अनुभव दिने कम्पनीले दाबी गरेको छ ।
निर्देशक आशिष जाजुका अनुसार, मसालेदार स्वाद मन पराउने सबैका लागि यो नुडल्स उपयुक्त हुनेछ।
डेभिल्स हट चिकेन नुडल्सको मूल्य प्रतिप्याकेट ५० रुपैयाँ तोकिएको छ भने पाँच प्याकेटको फ्यामिली प्याक २५० रुपैयाँमा उपलब्ध हुनेछ ।
थप विशेषताका रूपमा प्रत्येक प्याकमा चकलेट वेफर राखिएको छ, जसले मसालेदार स्वादपछि मिठासको अद्वितीय अनुभव दिने विश्वास कम्पनीले व्यक्त गरेको छ ।
यो नुडल्स देशभरका प्रमुख खुद्रा पसलहरूजस्तै भाटभटेनी र अनलाइन प्लेटफर्म दराजमार्फत सजिलै खरिद गर्न सकिनेछ ।
एसियन थाई फुड्सले दशकौँदेखि उच्च गुणस्तर र प्रामाणिक एसियाली खानाका उत्पादनहरू प्रदान गर्दै आएको छ ।
कम्पनीले भविष्यमा पनि नवप्रवर्तन र गुणस्तरलाई प्राथमिकतामा राख्ने प्रतिबद्धता जनाएको छ ।
