नेकपा (एकीकृत समाजवादी)का तेस्रो वरियताका नेता वामदेव गौतम सम्मानित नेता झलनाथ खनाल भेट्न डल्लु पुगेका छन् । अध्यक्ष माधवकुमार नेपाल र खनालबीच कटुता बढेका बेला उनी शनिबार डल्लुस्थित खनालनिवास पुगेका हुन् ।
गौतमको सचिवालयले दुई नेताबीच समसामयिक राजनीतिका विषयमा कुराकानी भइरहेको जनाएको छ ।
‘समसामयिक राजनीतिक विषयमा हिजोदेखि आजसम्म एक आपसमा सहयोगी भएर हिँड्नुभएका कमरेडहरूको छलफल कमरेड झलनाथ खनालको निवास डल्लुमा चलिरहेछ,’ सचिवालयले भनेको छ ।
