काठमाडौं । युके पठाइ दिने भन्दै ४१ लाख ५० हजार रुपैयाँ ठगी गर्ने एक युवतीलाई प्रहरीले पक्राउ गरेको छ ।
पक्राउ पर्नेमा नवलपरासी (पूर्व) सुनवल नगरपालिका-१ स्थायी घर भई हाल ललितपुर महानगरपालिका-२३ बस्ने २९ वर्षीया अकृजा भन्ने बिन्दु पोखरेल रहेकी छन् ।
उनलाई प्रहरीले पक्राउ गरेको काठमाडौँ उपत्यका अपराध अनुसन्धान कार्यालयका सूचना अधिकारी काजी कुमार आचार्यले जानकारी दिए ।
बेरोजगार युवायुवतीलाई आकर्षक तलबको प्रलोभन पारी रोजगारीका लागि अमेरिका पठाउने भनी लामो समयसम्म झुक्यानमा राखी उनले सो रकम ठगी फरार भएकी थिइन् ।
