विराटनगर । झापाबाट दुई किलो गाँजासहित दुई जना पक्राउ परेका छन् ।
झापाको अर्जुनधारा नगरपालिका-६ पुष्पलाल चोक बस्ने अन्दाजी ५९ की वर्षीया अमृतमाया लिम्बूको घरमा लागूऔषध गाँजा बिक्री गरिरहेको भन्ने गोप्य सूचनाका आधारमा दुई जना समातिएका हुन् ।
प्रहरी चौकी शनिश्चरेबाट खटिएको टोलीले घर खानतलासी गर्दा १ केजी ८८२ ग्राम र इलाम १२ स्यानाङ्बा घर भई हाल अर्जुनधारा-१ स्थित निर्माणाधीन झोलुङ्गे पुलमा काम गर्ने अन्दाजी २० वर्षीय रोशन भट्टराईको साथबाट ६ ग्राम ६३० मिलिग्राम गाँजा बरामद भएको हो ।
गाँजासहित दुबैलाई नियन्त्रणमा लिई इलाका प्रहरी कार्यालय बिर्तामोडमा राखिएको जिल्ला प्रहरी कार्यालयले जनाएको छ ।
