नेपाल राष्ट्र बैंकका नवनियुक्त गभर्नर डा. विश्वनाथ पौडेल र नेपाल स्टक एक्सचेन्जका प्रमुख कार्यकारी अधिकृत चुडामणि चापागाईँबीच भेटघाट भएको छ ।
भेटमा नेप्सेको पुनर्संरचनाको विषयमा छलफल भएको छ । पौडेलले सीईओ चापागाईंसँग नेप्सेको पुनर्संरचनाको विषयमा के भइरहेको छ भनेर जिज्ञासा राखेको र चापागाँईले अर्थ मन्त्रालयमा बिचाराधीन रहेको ब्रिफिङ गरेका थिए ।
‘पुनर्संरचनाको विषय कति अगाडि बढ्यो भनेर प्रश्न राखेका थिए ।
चापागाँईले अर्थमन्त्रीसँग पुनर्संरचनाको विषय विचाराधीन रहेको पौडेललाई जानकारी गराएका थिए ।
राष्ट्र बैंक नेप्सेमा ९.५१ प्रतिशत शेयर स्वामित्व छ । पौडेल गभर्नर हुन अगावै नेप्सेको पुनर्संरचना गर्ने विषयमा सकारात्मक देखिएका थिए । गभर्नर भएर गएपछि पनि उनी नेप्सेको पुनर्संरचना गर्ने विषयमा सकारात्मक रहेको बताइएको छ ।
भेटका क्रममा सिइओ चापागाँईले गभर्नर पौडेललाई बधाई दिएको नेप्सेले जानकारी दिएको छ । नेप्सेका प्रवक्ता मुराहरि पराजुलीले भने बधाई आदानप्रदान भएको जानकारी दिएका छन् ।
