विराटनगर । इलाममा मासुका लागि जिउँदो गोरुको फिला काटिएको घटना सार्वजनिक भएको छ ।
इलामको सूर्योदय नगरपालिका-६ कन्याममा गोठमा बाँधिएको गोरुको फिला काटेको घटना सार्वजनिक भएको हो ।
स्थानीय राम राईले पालेको गोरुको एकापाटा फिलाको भाग काटिएको छ । हड्डीसम्म खुर्किएर करिब पाँच किलो मासु निकालिएको आशंका स्थानीयको छ ।
सो गोरुको यसअघि पनि फिला काटेर लगिएको थियो । घरेलु उपचारपछि निको हुँदै गएको थियो ।
लामो समयपछि गोरु बिस्तारै तंग्रिँदै थियो । तर, फेरि गोरुको फिलाको मासु काटिएको गोरु धनी राई बताउँछन् ।
बिहान गोठमा जाँदा गोरु मरिसकेको अवस्थामा फेला पारेको उनको दुःखेसो छ ।
‘जडीबुटी र औषधीमूलो गरेर मासु काटेको भाग पुरिन लागेको थियो, त्यही खुट्टाबाट फेरि झिकेर लगेछन्,’ भावुक हुँदै राईले भने ।
यसअघि पनि उनको गोठको अर्काे गोरुको फिला काटिएको थियो ।
पछिल्लो पटक घाइते गोरुको फिलाबाट पाँच किलो हाराहारी मासु काटेर लगेको उनको भनाइ छ ।
आफ्नो गोठमा बाँधिएको गोरुको फिला काट्ने क्रम नरोकिएपछि राईले स्थानीय जनप्रतिनिधि, प्रहरीलाई बोलाएर कारबाहीको लागि अनुरोध गरेका थिए ।
