विराटनगर । विराटनगर महानगरपालिका–५ कृषिभवन/मुनालपथमा अवस्थित किड्स भिलेज स्कुलले सरस्वती पूजा मनाएको छ ।
स्कुल परिसर राखिएको शिक्षाकी देवी सरस्वती मन्दिरमा सोमबार सरस्वतीको पूजा-अर्चना गरिएको हो । विद्यार्थीहरूले सरस्वती देवीको पूजा गरी शिक्षाको महिमा गाएका थिए ।
पूजा समारोहमा विद्यार्थीहरूले सरस्वती देवीको महत्त्व र शिक्षाको महिमा बारेमा प्रस्तुतिसमेत दिएका थिए ।
सरस्वती पूजाका दिन साना बालबालिकालाई अक्षर चिनाउने परम्परा रहँदै आएको छ ।
सोही अवसरमा नयाँ शैक्षिक सत्रको शुभारम्भ गर्दै बालबालिकाहरूले अक्षराम्भसमेत गरेका थिए । आजसम्म ४७ जना नयाँ विद्यार्थीहरूले भर्ना लिएको स्कुलका प्रिन्सिपल विजय दाहालले जानकारी दिए ।
कार्यक्रममा स्थानीय शिक्षक, विद्यार्थी र अभिभावकहरूको उत्साहपूर्ण सहभागिता रहेको थियो ।
