विराटनगर । झापाको बिर्तामोड नगरपालिकामा साथीसँग घुम्न गएको भन्दै छोरीमाथि निर्घात कुटपिट गर्ने बुबा प्रहरीको फन्दामा परेका छन् ।
साथीसँग घुम्न गएको भन्दै १५ वर्षीया छोरीलाई निर्घात कुटपिट गर्ने बिर्तामोड–९ का ४५ वर्षीय प्रकाश भनिने निरकुमार विष्ट पक्राउ परेका हुन् ।
छोरी स्वस्तिका विष्टलाई निर्घात कुटपिट गरेको भन्दै प्रहरीले उनलाई पक्राउ गरेको हो ।
विष्टले साथीसँग घुम्न गएको भन्दै छोरी स्वस्तिको पिलासले टाउको फुटाइदिएका थिए । यस्तै, बाँसको भाटाले तिघ्रा, ढाड र हातमा निलडाम हुने गरी निर्घात कुटपिट गरेका थिए ।
आफू घरबाहिर भएका बेला श्रीमानले छोरीमाथि कुटपिट श्रीमती रेनुका विष्टले बताइन् ।
यसअघि पनि विष्टले पटकपटक छोरीलाई कुटपिट गर्ने गरेको स्थानीयको भनाइ छ ।
विष्टलाई छोरी पिटेको आरोपमा पक्राउ गरी राखिएको इलाका प्रहरी कार्यालय बिर्तामोडले जनाएको छ ।
