बिर्तामोड । झापाको शिवसताक्षी नगरपालिका-१ स्थित धरमपुरमा यात्रुबाहक बस दुर्घटना हुँदा ११ जना यात्रु घाइते भएका छन् ।
बुधबार बिहान ६ः३० बजे काँकडभिट्टाबाट धरानतर्फ आउँदै गरेको मे १ ख २५४५ नम्बरको बस धरमपुरमा दुर्घटना हुँदा भएको थियो ।
नागरिक यातायातको यात्रुवाहक बस अनियन्त्रित भई बस सडकबाट तल खसेर पल्टिएको थियो ।
जसमा बसमा सवार ११ विराटनगर ३ का ५४ वर्षीय गुणा कोइराला, ३४ वर्षीया दीपा निरौला, १७ वर्षीया म्यारी निरौला, ३८ वर्षीया निर्मला निरौला, ५९ वर्षीया शर्मिला कोइराला घाइते भएका हुन् ।
यसैगरी, झापा शिवसताक्षी –८ का ३२ वर्षीय टंक शिवाकोटी, ३० वर्षीया आन्सा फियादेन, २१ वर्षीया सुमना लिम्बू, बिर्तामोड नगरपालिका–६ का ५१ वर्षीय पुष्पलाल अधिकारी, ४९ वर्षीया चन्द्रकला अधिकारी र कमल गाउँपालिका–६ का ४० वर्षीय शान्तिराम खतिवडा घाइते भएका हुन् ।
घाइते सबैको अवस्था सामान्य रेहेको र बिर्तामोडस्थित बिएण्डसी अस्पताल बिर्तामोडमा उपचार भइरहेको छ।
बस चालक मेचीनगर-१० धुलाबारी बस्ने ५४ वर्षीय टीका मेचेलाई इलाका प्रहरी कार्यालय झिलझिलेले नियन्त्रणमा लिएको छ ।
