तेह्रथुम । तेह्रथुममा अपांगता भएकी महिलालाई बलात्कार गर्न खोज्ने वृद्धलाई साढे तीन वर्ष जेल सजायको फैसला भएको छ ।
अपांगता भएकी ४५ वर्षीया महिलालाई बलात्कार प्रयास गरेको कसुरमा जिल्ला अदातलले छथर गाउँपालिका-२ का ६० वर्षीय कर्ण लिम्बूलाई ३ वर्ष ६ महिना कैद सजायको फैसला गरेको हो ।
जिल्ला अदालतका न्यायाधीश भीमबहाद्र निरौलाको बुधबारको इजलासले कसुर गरेको ठहर गर्दै कैद सजायसँगै ६० हजार रुपैयाँ जरिबाना र ४० हजार रुपैयाँ क्षतिपूर्ति भराउन आदेश भएको अदालतका श्रेस्तेदार ऋतु राईले बताइन् ।
पीडितलाई आरोपितले गत वर्षको माघ १३ गते बलात्कार प्रयास गरेको आरोपमा पीडित पक्षले आरोपितविरुद्ध माघ १३ गते जिल्ला प्रहरी कार्यालयमा उजुरी थियो ।
पीडित पक्षको उजुरीका आधारमा आरोपितलाई प्रहरीले सोही दिन पक्राउ गरी जिल्ला अदालतमा फागुन ६ गते बलात्कार प्रयास शीर्षकमा मुद्दा दर्ता गरेको थियो ।
जिल्ला अदालतका न्यायाधीश प्रमेश पोखरेलेको ०८० फागुन ६ गतेको आदेशले आरोपितलाई पुर्पक्षका लागि थुनामा पठाएको थियो ।
