विराटनगर । तेह्रथुममा १४ वर्षीया बालिकालाई यौन दुर्व्यवहार गरेर एक जना फरार बनेका छन् ।
फरार हुनेमा फेदाप गाँउपालिका-२ का ५७ वर्षीय हरिबहादुर लिम्बू रहेको जिल्ला प्रहरी कार्यालय, तेह्रथुमले जनाएको छ ।
१४ वर्षीया बालिकालाई यौन दुर्व्यवहार गरेको आरोपमा पीडित पक्षले
उनीविरुद्ध सोमबार उजुरी परेको जिल्ला प्रहरी कार्यालय, तेह्रथुमका इन्स्पेक्टर प्रमोद खड्काले बताए ।
उनका अनुसार पीडित बालिकालाई लिम्बूले गत पुस ७ गते यौन दुर्व्यवहार गरेको आरोप छ ।
पीडित पक्षको उजुरीपछि फरार भएका आरोपितको खोजी थालिएको प्रहरीले जनाएको छ ।
पीडित बालिकाको स्वास्थ्य परीक्षण जिल्ला अस्पतालमा सोमबार नै गरिएको छ ।
