विराटनगर । जिल्ला कारागारमा सजाय भुक्तान गरिरहेका एक कैदीको उपचारका क्रममा मृत्यु भएको छ ।
मृत्यु हुनेमा बेलबारी नगरपालिका-४ का ६७ वर्षीय अम्मरबहादुर राई रहेको कारागार प्रशासनले जनाएको छ ।
उनको शनिबार मृत्यु भएको कारागारका जेलर गौरव ढुंगेलले बताए ।
श्वासप्रश्वासमा समस्या भएपछि शनिबार नै उपचारका लागि कोशी अस्पतालमा भर्ना गरिएका राईको उपचारका क्रममा मृत्यु भएको हो ।
श्वासप्रश्वाससम्बन्धी समस्या भएका र नियमित औषधि सेवन गरिरहेका राईको उपचारका क्रममा मृत्यु भएको जेलर ढुंगेलले बताए ।
जिल्ला अदालत मोरङले राईविरुद्ध हाडनाता करणी शीर्षकमा १४ वर्ष कैद सजायको फैसला गरेको थियो ।
राईले ०८७ साल जेठ ५ गतेसम्म कैद भुक्तान गर्नुपर्ने थियो । तर, सजाय भुक्तानकै क्रममा उपचारका क्रममा मृत्यु भएको जेल ढुंगेलले बताए ।
राईको शव कोशी अस्पतालको शवगृहमा राखिएको र परिवारका सदस्यले पुस २१ गते बुझ्ने जेलर ढुंगेलले बताए ।
