विराटनगर । बर्दिया अदालतले नौ वर्षीया बालिकालाई यौन दुर्व्यवहार गर्नेलाई दुई महिना चार दिनको कैद सजाय तोकेको छ ।
बालिकालाई यौन दुर्व्यवहार गर्ने गुलरिया नगरपालिका-११ का २१ वसन्तकुमार कुर्मीलाई बुधबार कारागार चलान गरिएको हो ।
प्रहरीले उनलाई बुधबार नै पक्राउ गरेको थियो । बालिकालाई ०८० असार १२ गते यौन दुर्व्यवहार गरेको भन्दै पीडित पक्षले असार १३ गते जिल्ला प्रहरी कार्यालयमा उजुरी दिएको थियो ।
पीडितको स्वास्थ्य परीक्षण असार १३ गते बर्दिया अस्पताल, गुलरियामा भएको थियो ।
त्यसैबेला जिल्ला अदालतले २ महिना ४ दिन कैद सजायको फैसला गरेको थियो ।
जिल्ला अदालतका न्यायाधीश मनोज श्रेष्ठको ०८१ भदौ २५ गतेको इजालसले कसुर ठहर गर्दै २ महिना ४ दिन कैद सजायको फैसला गरेको थियो ।
तर, अदालतको फैसलापछि फरार रहेका कुर्मीलाई जिल्ला प्रहरी कार्यालयबाट खटिएको प्रहरीको टोलीले गिरफ्तार गरी जिल्ला अदातलमा पठाएको थियो ।
त्यसपछि उनलाई बर्दिया कारागारमा सजाय भुक्तानका लागि पठाइएको जिल्ला प्रहरी कार्यालयका डिएसपी ऋषिराम घर्तीमगरले जानकारी दिए ।
