दमक । झापाको दमक नगरपालिका-६ बसपार्कस्थित मिलन होटल एन्ड लजमा एक पुरुषको शव फेला परेको छ ।
बिहीबार बिहान नाम-ठेगाना खुल्न नसकेका अन्दाजी ४५ वर्षीय पुरुषको शव फेला परेको इलाका प्रहरी कार्यालय दमकले जनाएको छ ।
उनी दुई युवतीसँग लजमा बास बसेको खुल्न आएको प्रहरीले जनाएको छ ।
घटनास्थलमा इलाका प्रहरी कार्यालय दमकको टोली परिचालन गरी अनुन्धान अघि बढाइएको छ । दमक प्रहरीले मुचुल्का उठाएको छ भने मृतकको पहिचान खुल्न बाँकी छ ।
