विराटनगर । गएको सोमबार र मंगलबार नेपाली बजारमा बढेको सुनको मूल्य आज घटेको छ ।
सोमबार र मंगलबार दुई दिनमा जम्मा ६ सय बढेको सुनको मूल्य आज प्रतितोला सातसय रुपैयाँ घटेको हो ।
सुन आज तोलाको एक लाख ५० हजार सातसय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
गएको सोमबार सुन प्रतितोला चारसय र मंगलबार तोलाको दुईसय रुपैयाँ बढेको थियो ।
गएको आइतबार एकैदिन सुन प्रतितोला दुई हजार दुईसय रुपैयाँ घटेको थियो ।
चाँदीको मूल्य पनि आज घटेको छ। बिगत तीन दिनसम्म स्थिर रहेको चाँदीको मूल्य आज प्रतितोला पाँच रुपैयाँ घटेर एक हजार आठसय ३५ रुपैयाँ कायम भएको छ ।
गएकाे मंसिर तेस्रो साता सुनको मूल्य दुई दिनमै तोलामा साढे १८ हजार रुपैयाँ घटेको थियो ।
गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो ।
