विराटनगर । मोरङको सुनवर्षी नगरपालिकामा टिनको जस्ता निकाल्ने क्रममा करेन्ट लाग्दा एक महिलाको मृत्यु भएको छ ।
मृत्यु हुनेमा सुनवर्षी-४ चैताकी ३५ वर्षीया रेखादेवी सिंह रहेको इलाका प्रहरी कार्यालय रंगेलीले जनाएको छ ।
घरमा लगाएको टिनको जस्ता निकाल्ने क्रममा आइतबार साँझ अचानक करेन्ट लागेर उनी घाइते भएकी थिइन् ।
उनलाई उपचारका लागि रंगेली अस्पताल पुर्याउन साथ डाक्टरले मृत घोषित गरेका थिए ।
घटना सम्बन्धमा इलाका प्रहरी कार्यालय रंगेलीबाट आवश्यक अनुसन्धान भइरहेको छ ।
