विराटनगर । विवादित अभियन्ता तथा मेडिकल व्यवसायी दुर्गा प्रसाईंलाई फेरि प्रहरीले पक्राउ गरेकाे छ ।
सामाजिक सञ्जालमा भ्रम फैल्याएको आरोपमा मंगलबार उनलाई प्रहरीले भक्तपुरस्थित निवासबाट पक्राउ गरेको हो ।
केन्द्रीय अनुसन्धान व्युरो सिआइबी प्रमुख दीपक थापाले उनलाई कानुनी दायरामा ल्याइएको पुष्टि गरे ।
विद्युतीय कारोबार ऐनअनुसारको कसुर गरेकाे भन्दै गत असाेज ६ गते उनलाई प्रहरीले पक्राउ गरेको थियाे ।
तर, १५ असाेजमा प्रसाईंलाई १ लाख धरौटीमा रिहा गर्न काठमाडौं जिल्ला अदालतले आदेश दिएको थियाे ।
