विराटनगर । एक दिनमात्र बिहेको लगन भएको मंसिर महिना नजिकिँदै जाँदा सुनको मूल्यमा गिरावट आएको छ ।
मंसिरको ८ गतेमात्र बिहेको लगन छ । मंसिर लाग्नै आँट्दा स्थानीय बजारमा सुनको मूल्य ओरालो लाग्दै गएको हो ।
बुधबार सुन प्रतितोला चार सय रुपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार मंगलबार एक लाख ६२ हजार ६ सय रुपैयाँमा कारोबार भएको छापावाल सुन बुधबार एक लाख ६२ हजार दुई सय रुपैयाँमा किनबेच भइरहेको छ ।
यसैगरी, चाँदीको मूल्यमा भने बुधबार वृद्धि भएको छ ।
महासंघका अनुसार मंगलबार एक हजार ९२५ रुपैयाँमा खरिदबिक्री भएको चाँदी बुधबार भने एक हजार ९४० रुपैयाँ कायम भएको छ ।
दुई सातामा सुनको मूल्य प्रतितोला आठ हजार आठ सय रुपैयाँ घटेको छ ।
