विराटनगर । मोरङको लेटाङ नगरपालिकामा सिटी सफारी चालकले आफूलाई अज्ञात समूहले काटेर घाइते बनाएको भन्दै ढाँटेको पाइएको छ ।
इलाका प्रहरी कार्यालय लेटाङका प्रहरी निरीक्षक राकेश रेग्मीको टोलीले थालेको अनुसन्धानमा उक्त राज बाहिरिएको हो ।
शुक्रबार बेलुका ८ः३० बजेतिर लेटाङ-२ परीटोल बस्ने ५२ वर्षीय मानहादुर राईलाई नजिकैको चिसाङ पुलमा पूर्वबाट पश्चिमतर्फ जाँदै गरेको नम्बर नखुलेको अटोमा आएका तीन/चार जनाको समूहले धारिलो हतियारले दुवै हात, मुख र कुममा काटी फरार भएको बताएका थिए ।
गम्भीर घाइते बनेका उनको शुभकामना मेडिकल लेटाङमा उपचार भइरहेको थियो । उक्त कुराको जानकारी पाएपछि प्रहरीले अनुसन्धान थालेको थियो ।
पछि उनलाई थप उपचारको लागि अरनिको अस्पताल उर्लाबारी लगिएको थियो ।
घटनास्थलको सुक्ष्म अध्ययन, स्थानीयहरूसँगको सोधपुछलगायत प्रारम्भिक अनुसन्धानबाट उनले जाहेर गरेअनुसार धारिलो हतियार प्रहार गरी घाइते बनाएको नभई दुर्घटनामा परेको खुलेको हो ।
पूर्वबाट पश्चिमतर्फ जाँदै गरेको लेटाङ-१ कात्तिके बस्ने २० वर्षीय नगेन्द्र लिम्बुले चलाएर ल्याएको रघु ग्रिल
उद्योगले प्रयोग गर्दै आएको को १ ह ५४१७ नम्बरको सिटी सफारीले ठक्कर दिई फरार भएको खुलेको हो ।
शनिबार (हिजो) उक्त सिटी र सिटी चालक नगेन्द्र लिम्बुलाई नियन्त्रणमा लिई सोधपुछ गर्दा उनले
सिटी सफारीको बाँयातर्फ रहेको फलामको भागमा धसारिएको तथा ठोक्किएर दुर्घट्ना भएको स्वीकार
गरेका थिए ।
उक्त समयमा सिटी सफारिमा सवार (रघु ग्रिल उद्योगमा काम गर्ने) जिल्ला बारा कलैया-८ बस्ने २१ वर्षीय अरबाज अन्सारी र सुन्दरहरैंचा नगरपालिका-१० बस्ने २३ वर्षीय पर्शुराम विकले पनि सोधपुछको क्रममा दुर्घटना भएको भन्ने स्वीकार गरेका थिए ।
दुर्घटनाबारे सफारी चालकले किन ढाँटे वा होसमा थिएनन् कि भन्नेबारे प्रहरीले अनुसन्धान गरिररहेको छ ।
