विराटनगर । झापाको अर्जुनधारा नगरपालिकामा श्रीमतीको हत्या आरोपमा एक जना पक्राउ परेका छन् ।
पक्राउ पर्नेमा अर्जुनधारा-३ दार्जिलिङ डाँडाका ४६ वर्षीय वीरबहादुर चौहान रहेको जिल्ला प्रहरी कार्यालय झापाले जनाएको छ ।
दसैंकाे टीकाकाे तेस्राे दिन सोमबार दिउँसो करिब ४ बजे ३७ वर्षीया मुना चौहानको हत्या गरेको आरोपमा उनी पक्राउ परेका हुन् ।
प्रहरीका अनुसार भरत कुमालको घरमा मुनाको हत्या भएको हो । सो घर मुनाकाे माइती हो ।
सोमबार दिउँसो सामान्य विवादमा उनले धारिलो हतियारले घाँटीमा प्रहार गरेकाे प्रहरीले जनाएकाे छ ।
हतियार प्रहारबाट मुनाकाे घटनास्थलमै मृत्यु भएको थियो ।
घटनापछि फरार भएका वीरबहादुरलाई प्रहरीले जुकेखाडी जंगलबाट पक्राउ गरेकाे हाे ।
