default विराटनगर । मोरङको ग्रामथान गाउँपालिकामा सडकको डिभाइडरमा मोटरसाइकल ठोक्किँदा वृद्ध उमेरका चालक घाइते भएका छन् ।
घाइते हुनेमा सुन्दरहरैंचा नगरपालिका-९ बस्ने अन्दाजी ६४ वर्षीय बलबहादुर श्रेष्ठ रहेको प्रहरीले जनाएको छ ।
आइतबार मध्याह्न १२ बजेतिर ग्रामथान-२ स्थित घिनाघाट-विराटचोक सडकखण्डमा विराटनगरबाट विराटचौकतर्फ जाँदै गरेको प्रदेश १- ०२-०४३ प ५७२ नम्बरको मोटरसाइकल सडकको डिभाइडरमा ठोक्किएको थियो ।
जसमा घाइते बनेका मोटरसाइकल चालक श्रेष्ठलाई उपचारको लागि गोल्डेन अस्पताल विराटनगर ल्याइएको छ ।
