विराटनगर । अमेरिका निवासी नेपाली नर्स ममता काफ्ले भट्ट बेपत्ता भएकी छन् । ६ महिना अगाडिमात्र आमा बनेकी ममता अगस्ट १ यता बेपत्ता छिन् ।
उनी अमेरिकाको वासिङ्टन डिसी नजिकैको भर्जिनिया क्षेत्रको इनोभा फेयरफ्याक्स हस्टिपल क्याम्पसअन्तर्गतको प्रिन्स विलियम अस्पतालमा नर्स जागिर गर्ने गर्थिन् ।
मिनासास पार्क क्षेत्रको प्रहरीले पनि ममता हराएको सूचना सार्वजनिक गरेको छ । अमेरिकी मिडियाहरू वासिङ्टन पोस्टदेखि विभिन्न सञ्चारमाध्यमहरूमा ममता हराएको सूचना समाचार भएका आएका छन् ।
२८ वर्षकी ममताको श्रीमानसँग खटपट भएको सूचना सामाजिक संजाालबाट सार्वजनिक भएको छ ।
सेपेरेटेड सिंगम डिभोस्ड मम फ्रम भर्जिनिया नामक फेसबुक पेजमा केही समयअगाडि ममताले श्रीमानसँग खटपट भएको संकेत गरेकी थिइन् ।
उनले लखेकी थिइन्, ‘हाई म ६ महिने बच्चाकी आमा हो । म श्रीमानसँग अलग हुन खोजिरहेको छु । म हप्ताको दुई दिन काम गर्छु । तर, मेरा श्रीमानले मलाई बच्चालाई हेर्न साथ दिएका छैनन् । म अलग भएपछि उनले बच्चालाई बाल कस्टडीमा राख्छु भन्छन् । के यो सम्भव छ रु मलाई बच्चाको हेरचाह गर्ने केन्द्रबारेमा सहयोग चाहियो । मलाई सामाजिक कार्यकर्ताबबाट सहयोग र केही सल्लाह चाहियो ।’
