विराटनगर : विराटनगरको कोशी अस्पतालबाट भागेका कैदी एक हप्ताको खोजीपछि पक्राउ परेका छन् ।
जिल्ला कारागार मोरङमा कैद सजाय भुक्तान गरिरहेका २४ वर्षीय मोहमद अहमद साउन १७ गते बिहान अस्पतालबाट फरार भएका थिए ।
उनलाई उपचारका लागि साउन १५ गते कोशी अस्पताल भर्ना गरिएको थियो ।
प्रहरीले आखिरकार मोरङको जहदा गाउँपालिका-१ तारेगामबाट उनलाई पक्राउ गरेको हो। उनी जबरजस्ती करणी मुद्दामा दोषी ठहर भएर करिब डेढ वर्षदेखि कारागारमा सजाय भुक्तान गरिरहेका कैदी हुन् ।
जिल्ला अदालत मोरङले उनलाई १२ वर्ष कैद र ५ लाख जरिवाना हुने फैसला गरेको थियो। मोरङ प्रहरी प्रमुख एसपी नवराज कार्कीका अनुसार ड्युटीमा रहेका प्रहरीलाई लडाएर उनी फरार बनेका थिए ।
