प्रतिकात्मक फोटो विराटनगर । उदयपुरको चौदण्डीगढी नगरपालिका-८ बेसारा स्थित बेल्टार वङसिलाघाट भित्री कच्ची सडक खण्डमा सोमबार साँझ सडक दुर्घटना भएको छ ।
दुर्घटनामा १४ वर्षीया किशोरी सारा राईको मृत्यु भएको छ ।
खोटाङबाट बेल्टारतर्फ आउँदै गरेको प्र १-०५-००१ ह ०२८५ नम्बरको अटोमा सवार सारा राईले घटनास्थलमा रोकिराखेको अर्को अटो (प्र१-०२-००४ ह ४०८१) मा खेल्ने क्रममा दुर्घटना भएको थियो ।
अटो सडकबाट अन्दाजी २०० मिटर तल खस्दा गम्भीर घाइते भएकी सारालाई उपचारका लागि न्युरो अस्पताल विराटनगर लगिएको थियो ।
तर उपचारको क्रममा राति करिब ८ बजे उनको मृत्यु भएको हो ।
घटनामा संलग्न दुवै अटो र चालकहरूलाई प्रहरीले नियन्त्रणमा लिएको छ ।
प्रारम्भिक अनुसन्धानले चालकको लापरवाहीलाई दुर्घटनाको कारण मानेको छ । घटनास्थल इलाका प्रहरी कार्यालय बेल्टारबाट लगभग १५ किलोमिटर उत्तर पश्चिममा पर्दछ ।
