विराटनगर । नेपाल सुनचाँदी व्यवसायी महासंघले बुधबार (आज) को सुन-चाँदीको भाउ सार्वजनिक गरेको छ ।
महासंघका अनुसार स्थानीय बजारमा आज सुनको मूल्य छ सय रुपैयाँले बढेको छ ।
मंगलबार तोलामा १ लाख ४१ हजार रुपैयाँमा कारोबार भएको छापावाल सुन आज ६०० रुपैयाँ बढेर तोलामा १ लाख ४१ हजार ६०० रुपैयाँ पुगेको हो ।
यसअघि तीन दिनसम्म सुनको मूल्य स्थिर रहेको थियो ।
महासंघका अनुसार तेजाबी सुन तोलामा १ लाख ४० हजार ९०० रुपैयाँमा कारोबार भएको छ भने चाँदीको मूल्यचाहिँ तोलामा पाँच रुपैयाँले बढेको छ ।
मंगलबार तोलामा १ हजार ८१५ रुपैयाँमा कारोबार भएको चाँदी बुधबार १ हजार ८२० रुपैयाँमा कारोबार भएको महासंघले जनाएको छ ।
