रुकुमपश्चिम । जुम्ल्याहा छोरा लिएर श्रीमती बेपत्ता भएपछि श्रीमानले विदेशबाट फर्किनुपर्ने बाध्यता आइपरेको छ ।
रुकुमपश्चिम बाँफिकोट गाउँपालिका-८ बाट सात वर्षका जुम्ल्याहा छोरासहित २४ वर्षीया अंकिता केसी नाथ जेठ १३ गतेदेखि बेपत्ता भएकी थिइन् ।
छोरा कुशल र किस्मत नाथसहित अंकिता बेपत्ता भएपछि वैदेशिक रोजगारकी लागि विदेश गएका उनका श्रीमान् स्वदेश फर्किएका हुन् ।
रुकुमपश्चिम प्रहरीका सूचना अधिकारी प्रहरी निरीक्षक बखतबहादुर शाहीका अनुसार घरबाट जिल्ला अस्पताल सल्लेमा चेकजाँचका लागि भन्दै हिँडेकी अंकिता हालसम्म परिवारको सम्पर्कमा आएकी छैनन् ।
प्रहरी निरीक्षक शाहीले सबैतिर हुलिया परिपत्र गरिएको बताए । घरपरिवारबाट सम्पर्कविहीन आमा छोरालाई देख्ने वा भेट्नले नजिकैको प्रहरी चौकी वा आफन्तलाई सम्पर्क गरिदिन अनुरोध गरिएको छ ।
