ताप्लेजुङ । ताप्लेजुङमा एक युवकको अनौंठो हर्कत बाहिरिएको छ । ताप्लेजुङको फुङ्लिङ नगरपालिका–१० फुरुम्बुका एक युवकले किशोरीलाई करणी गर्ने प्रयास असफल भएपछि भैंसीमाथि बलात्कार गरेका छन् ।
फुरुम्बुका २० वर्षीय विक्रम तामाङलाई भैंसीलाई करणी गर्दैगर्दा स्थानीयले फेला पारी प्रहरीसमक्ष बुझाएका हुन् ।
उनले विद्यालयबाट घर फर्किँदै गरेकी किशोरी (छात्रा) लाई बाटोमै जबरजस्ती करणी गर्न खोजेका थिए ।
जिल्ला प्रहरी कार्यालय ताप्लेजुङका सूचना अधिकारी एवम् प्रहरी निरीक्षक कमलकुमार लुङ्गेलीका अनुसार १६ वर्षीया किशोरीलाई जबरजस्ती करणी गर्न खोजेको अभियोगमा तामाङलाई पक्राउ गरिएको हो ।
चिच्याएको थाहा पाएपछि नजिकका स्थानीय तत्काल घटनास्थल पुगेकाले किशोरीमाथि जबरजस्ती करणी हुन नपाएको बताइएको छ ।
तामाङ भने त्यहाँबाट फरार भएका थिए । पछि खोजी गर्ने क्रममा साँझ ६ः३० बजेतिर गोठमा बाँधेको भैँसीलाई करणी गरिरहेको अवस्थामा स्थानीयले फेला पारी नियन्त्रणमा लिएर प्रहरीलाई बुझाएका थिए ।
तामाङविरुद्ध मुलुकी अपराधसंहिता, २०७४ को परिच्छेद १८ अन्तर्गत जबरजस्ती करणी उद्योग र पशु करणी कसुरमा जिल्ला अदालतबाट सात दिने म्याद लिई हिरासतमा राखेर अनुसन्धान सुरु गरिएको प्रहरी निरीक्षक लुङ्गेलीले जानकारी दिए ।
