विराटनगर । मोरङको विराटनगर महानगरपालिकमा ट्र्याक्टरको ठक्करबाट मोटरसाइकल चालकको मृत्यु भएको छ ।
मृत्यु हुनेमा विराटनगर-१४ बस्ने ४५ वर्षीय उत्तिमलाल यादव रहेको मोरङ प्रहरीले जनाएको छ ।
आज बिहान ९:४५ बजेतिर विराटनगर-१४ कोभिड अस्पताल छेउ भित्री सडकखण्डमा पूर्वबाट पश्चिमतर्फ आउँदै गरेको को२६प ९८५१ नम्बरको मोटरसाइकललाई ट्रयाक्टरले ठक्कर दिएको थियो ।
सोही दिशातर्फ जाँदै तत्काल अल्फाबेट नखुलेको ५५४६ नम्बरको इँट्टा लोड गरेको ट्याकट्रले ठक्कर दिई दुर्घटना हुँदा मोटरसाइकल चालक यादव घाइते भएका थिए ।
टाउकोमा चोट लागेपछि उपचारका लागि सप्तकोशी अस्पतालमा विराटनगरमा लगेकोमा चिकित्सकले मृत घोषणा गरेका थिए ।
मृतकको शव पोस्टमार्टमका लागि कोशी अस्पताल पठाएर प्रहरीले फरार ट्र्याक्टर चालकको खोजी थालेको छ ।