विराटनगर । धनगढी उप-महानगरपालिकाका नगर प्रमुख गोपाल हमालकी जेठी छोरी सम्पर्कविहीन बनेकी छन् ।
केही महिनायता ध्यान गर्न गोवा बस्दै आएकी मेयर हमालकी जेठी छोरी आरती सोमबारबाट सम्पर्कविहीन बनेकी हुन् ।
मेयर हमालले मंगलबार सामाजिक सञ्जालमार्फत् आरती ओशो साधक भएको जनाउँदै गोवाबाट छोरी हराएको जानकारी दिएका छन् ।
‘उनी केही महिनादेखि ओशो ध्यान गर्न गोवामा बस्दै आएकी थिइन्,’ उनले लेखेका छन्, ‘हिजोदेखि जोरबा वाइब आश्विन ब्रिजबाट सम्पर्कविहीन भएको उनको साथीबाट खबर आएको छ ।’
गोवा बस्ने शुभचिन्तकहरूलाई आफ्नी छोरीको खोजीकार्यमा सहयोग गरिदिन उनले अपिल गरेका छन् ।
‘मेरो कान्छी छोरी आर्जु र ज्वाइँ जेठी छोरी आरतीको खोजी गर्न आज रातिको प्लेनमा गोवा जाँदै हुनुहुन्छ’, उनले लेखेका छन् ।
