आफ्नो सन्तान नभएपछि अर्काको बच्चा चोरेर फरार, पक्राउ परिन् मनकुमारी !

शब्द एक्स्प्रेस संवाददाता
शनिवार १२ फाल्गुण, २०८०
३ महिनाअघि

विराटनगर । काठमाडौंको थापाथलीस्थित परोपकार प्रसूति तथा स्त्रीरोग अस्पतालबाट शुक्रबार नवजात शिशु (बालिका) हराएकी थिइन् ।

काभ्रेपलाञ्चोकको चौंरीदेउराली गाउँपालिका–३ घर भई हाल काठमाडौँको कपन बस्दै आएकी २२ वर्षीया सविना श्रेष्ठले आफ्नो शिशु चोरी भएको भन्दै मौखिक सूचना दिएकी थिइन् ।

अस्पतालमा शिशु बोकेर बसेकी श्रेष्ठसँग ती महिलाले बोक्न भन्दै शिशु मागेकी थिइन् । तर, उनी एकाएक शिशु लिएर फरार भएको भन्दै श्रेष्ठ प्रहरीसमक्ष पुगेपछि प्रहरीले खोजी कार्य थालेको थियो ।

शुक्रबार मध्याह्न १२ बजे ती महिला शिशु लिएर अस्पतालबाट फरार भएकी थिइन् ।

बच्चा खोज्दा नभेटिएपछि दिउँसो १ बजेतिर खबर भएपछि प्रहरी खोजीकार्यमा जुटेको थियो ।

करिब ११ घण्टा खोजबिनमा जुटेको प्रहरी अन्ततः सफल बनेको छ । बच्चा चोर्ने ती महिलालाई शनिबार मध्यराती प्रहरीले नियन्त्रणमा लिएको हो ।

शिशु लिएर फरार भएकी महिला दैलेखको नौमुले गाउँपालिका-१ घर भई काठमाडौंको काँडाघारी बस्ने मनकुमारी सिंह रहेको प्रहरीले जानकारी दिएको छ ।

उनीसँगै प्रहरीले उनका श्रीमान् २८ वर्षीय नरेन्द्र मल्ल र दिदी शारदा शाहीलाई पनि नियन्त्रणमा लिएको छ । उनीहरूलाई प्रहरीले कागेश्वरी मनोहरा नगरपालिका-९ काँडाघारीस्थित डेराबाटै नियन्त्रणमा लिएको हो ।

शुक्रबार प्रसूति अस्पताल प्रवेश गरी शिशु लिएर फरार भएकी सिंहलाई प्रहरीले मध्यराति १२ बजेतिर काठमाडौंको काँडाघारीबाट नियन्त्रणमा लिएको हो ।

त्यहाँबाट शिशुलाई पनि उद्धार गरिएको प्रहरीले जनाएको छ । शिशुलाई अभिभावको जिम्मा लगाइएको र सिनामंगलस्थित काठमाडौं मेडिकल कलेजमा उपचार थालिएको प्रहरीले जनाएको छ ।

शिशु चोर्ने महिलाले प्रहरीसँगको प्रारम्भिक बयानमा विवाह गरेको लामो समयसम्म पनि आफ्नो बच्चा नभएपछि बच्चा चोरी गरेको बताएकी छन् ।

अनुसन्धानमा खटिएका एक प्रहरीका अनुसार बच्चा नभएपछि आफूले डाक्टरलाई देखाउँदा डाक्टरले सन्तान नहुन सक्छ भनेपछि शिशु चोरेर आफ्नो बनाउने योजना बनाएको सिंहले बताएकी छन् ।

सोही अनुसार अस्पताल छिरेको र त्यहाँ एक महिलाको शिशु एकछिन बोक्छु भनी लिएर आएको उनले प्रहरीसमक्ष बयान दिएकी छन् ।

जिल्ला प्रहरी परिसर काठमाडौंका प्रवक्ता तथा प्रहरी उपरीक्षक नवराज अधिकारीका अनुसार यो विषयमा थप अनुसन्धान भइरहेको छ ।

यस्तो छ पक्राउ परेकी मनकुमारीको बयान

पटकपटक मेरो बच्चा खेर गयो । हालै मात्र पनि मेरो बच्चा खेर गएको छ । त्यही कारण ब्लिडिङ भइरहेको छ । मेरो श्रीमान् नेपाली सेनामा हुनुहुन्छ । उहाँ पोष्टिङ दोलखामा हो । कहिलेकाँही बिदामा मात्र आउनुहुन्छ ।

धेरै प्रयास गर्दा पनि बच्चा नबसेपछि श्रीमान् पनि निराश हुनुहुन्छ । म पनि मानसिक रूपमा विछिप्त भइसकें । पछिल्लोपटक बच्चा खेर गएको विषयमा मैले उहाँलाई भनेको छैन । अत्याधिक ब्लिडिङ भएपछि म उपचारका लागि प्रसूति गृह गएकी थिएँ ।

केही दिनदेखि कसैको बच्चा पाए पनि लैजान हुन्थ्यो भन्ने मनमा कुरा खेलिरहेको थियो । अस्पतालमा आमाले छाडेका बच्चाहरू पाइन्छ रे भन्ने सुनेकी थिएँ । कसैको बच्चा लिएर भाग्न पाए पनि हुन्थ्यो भन्ने सोच पनि आउँथ्यो बेलाबेलामा । म अस्पतालको बाहिर उभिएको थिएँ । एक जना बहिनीले मेरो बच्चा केहीबेर समाइदिनुस् न भन्नुभयो ।

उहाँको हातमा फोहोर थियो । उहाँ फोहोर फाल्न भनेर डस्बिन भएतिर गएपछि म बच्चा लिएर बाहिर निस्किएँ । ट्याक्सी चढेर सीधै काँडाघारी डेरामा आएँ ।

श्रीमानलाई पनि फोन गरेर बच्चा जन्मिएको जानकारी दिएँ । उहाँ खुसी हुनुभयो । काठमाडौं आउँछु भन्नुभएको थियो । राति नै पक्राउ परेँ । अहिले मलाई गल्ती गरिएछ भन्ने महसुस भएको छ ।

प्रकाशित समय: शनिवार १२ फाल्गुण, २०८०, ०८:४३:१०

सम्बन्धित खबर

ठग्न पल्किएकी अञ्जली, जो बालबालिकालाई फकाएर अश्लील क्रियाकलापमा संलग्न गराउँथिन्

मङ्गलबार १ जेठ, २०८१
५ दिनअघि

सामाजिक सञ्चालमा चर्चित भेलुबाजेको निधन

बिहिबार २० ब‌ैशाख, २०८१
२ हप्ताअघि

शिक्षादीपमा जलवायु सम्मेलन : जलवायु र वातावरण प्रदूषणका मुद्दामा विद्यार्थीको चासो

शुक्रबार १४ ब‌ैशाख, २०८१
३ हप्ताअघि

‘फेक’ भिडिओ भयो भाइरल, चितवनमै छन् कतारलाई दिने भनिएका खगेन्द्रप्रसाद र रुद्रकली

बिहिबार १३ ब‌ैशाख, २०८१
३ हप्ताअघि

डढेलो निभाउन गएको दमकल नै जल्यो

बिहिबार १३ ब‌ैशाख, २०८१
३ हप्ताअघि

धारिलो हतियार देखाएर बुहारीमाथि बलात्कार, आठ महिनापछि पक्राउ परे ससुरा

बिहिबार १३ ब‌ैशाख, २०८१
३ हप्ताअघि
गिरी फाउन्डेसनको शिविरमा नगरप्रमुखसहित एक सय १० जनाले लिए स्वास्थ्य सेवा
शनिवार ५ जेठ, २०८१
कोशीका नवनियुक्त मन्त्री र राज्यमन्त्रीले लिए शपथ
शुक्रबार ४ जेठ, २०८१
कोशीमा मन्त्रीमण्डल विस्तार, मन्त्रालय छिनोफानो लाग्यो
शुक्रबार ४ जेठ, २०८१
लागुऔषध ओसारपसारविरुद्ध प्रहरी बन्यो आक्रामक : गोली प्रहार गरी दुई जना पक्राउ
शुक्रबार ४ जेठ, २०८१
विश्वकप : नेपालले अमेरिका र क्यानडासँग अभ्यास खेल खेल्ने
शुक्रबार ४ जेठ, २०८१
रोनाल्डो र मेस्सीपछि धेरै अन्तर्राष्ट्रिय गोल गरेका सुनीलले लिए सन्न्यास
शुक्रबार ४ जेठ, २०८१
कानेपोखरीमा तीव्र गतिको मोटरसाइकल दुर्घटना, एक जना घाइते
शुक्रबार ४ जेठ, २०८१
इसिडी शिक्षा सुधारको माग गर्दै विराटनगर महानगरअगाडि धर्ना
शुक्रबार ४ जेठ, २०८१
कोशी प्रदेशसभा : कानुन निर्माणमा कमजोर, विषयगत समितिले चाँडै नेतृत्व पाउने
बिहिबार ३ जेठ, २०८१
कोशीको मुख्य न्यायाधिवक्तामा वस्ती नियुक्त गर्न सिफारिस
बिहिबार ३ जेठ, २०८१
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०