ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा भेटी रकम करिब नौ करोड रुपैयाँ पुगेको छ ।
पाथीभरा क्षेत्र विकास समितिका अनुसार हालसम्म पाथीभराको कुल भेटी रकम आठ करोड ९४ लाख ५४ हजार ४८ रुपैयाँ भएको हो ।
पछिल्लो समय समितिले प्रत्येक महिना भेटी रकम सार्वजनिक गर्दै आएको छ । जसअन्तर्गत माघ महिनामा २४ लाख एक हजार पाँच सय रुपैयाँ संकलन भएको छ ।
यसअघि पुस महिनामा ११ लाख बढी अर्थात् ३५ लाख २९ हजार रुपियाँ भेटी संकलन भएको थियो ।
समितिका कार्यकारी निर्देशक प्रजिन हाङ्बाङका अनुसार पाथीभरामा संकलित उक्त भेटी रकम जिल्लास्थित विभिन्न बैंकमा जम्मा गरिएको छ ।
पाथीभरामा नेपाली रुपैयाँ मात्र नभई भारतीय रुपैयाँसहित विभिन्न देशका मुद्रा भेटीबापत संकलन हुँदै आएको समितिले जनाएको छ ।
