धनपालथानमा प्रांगारिक मल तथा बायोग्यास सञ्चालनमा, सिलिन्डरमा भरिन्छ बायोग्यास

शब्द एक्स्प्रेस संवाददाता
शुक्रबार २७ पुस, २०८०
१ महिनाअघि

विराटनगर । मोरङको धनपालथानमा प्रांगारिक मलसँगै बायोग्यास उत्पादन गर्ने उद्योग सञ्चालनमा आएको छ ।

गैरनाफामूलक संस्था जीवन विकास समाजले धनपालथान–३ डकुवाडाँगामा १० बिघा क्षेत्रमा स्थापना गरेको प्रांगारिक मल तथा बायोग्यास उद्योग शुक्रबारबाट औपचारिक रूपमा सञ्चालनमा आएको हो ।

उद्योगको उद्घाटन समाजका संस्थापक अध्यक्ष तथा मोरङ क्षेत्र नम्बर ५ का प्रतिनिधिसभा सदस्य योगेन्द्र मण्डल ‘जोगी’ र प्रदेशसभा सदस्य गयानन्द मण्डलले गरे ।

उद्योगको उद्घाटन गर्दै जोगीले रासायनिक मललाई प्रतिस्थापन गर्ने अभियान सुरु भएको बताए ।

स्वदेशमा नै उत्पादन हुने प्रांगारिक मलले नेपाली किसानले भोग्दै आएको रासायनिक मलको हाहाकारलाई कम गर्ने उनको भनाइ छ ।

‘यो वर्ष आठ लाख मेट्रिक टक रासायनिक मल चाहिन्छ, चार लाख टन बाहिरबाट ल्याउँदा ३३ अर्ब खर्च भइसक्यो,’ उनले भने,‘यसको दीर्घकालीन समाधान सोचिएन भने एक दिन किसानसँग पैसा हुन्छ, तर खाद्यान्नबिना बस्नुपर्ने अवस्था आउनसक्छ ।’
युरिया डिएपीजस्ता रासायनिक मलको विकल्पको रूपमा प्रांगारिक मल प्रयोग गर्नुपर्ने बताउँदै उनले भने, ‘युरिया डिएपीको विकल्पको रूपमा प्रयोग गर्नु पर्छ, सिक्किमले रासायनिक मल निषेध गरिसक्यो । हामीले तीन ठाउँमा प्रांगारिक मलको प्रयोग गर्दा युरिया डिएपीबराबरकै धान फल्यो, त्यहाँ कुनै रोगब्यादी पनि लागेन ।’

यस्तै,कोसी प्रदेश सांसद गयानन्द मण्डलले प्रांगारिक मलको प्रयोगमा राज्यले किसानलाई सहयोग गर्ने बताए ।

उनले भने ‘रासायनिक मलबाट मुक्त हुन प्रांगारिक मलको प्रयोग आवश्यक छ ।’

१० करोड लागतमा जीवन विकासले स्थापना गरेको उद्योगको क्षमता दैनिक आठ टनसम्म प्राङ्गरिक मल उत्पादन गर्नेछ । १५० सिलिन्डर बायोग्यास उत्पादन गर्ने क्षमता छ ।

उद्योगबाट बायोग्यास भन्दा पनि मल उत्पादनमा जोड दिएको उद्योगका प्रमुख उपेन्द्रकुमार मण्डलले बताए ।

उनका अनुसार ४० टन कच्चा पदार्थ प्रयोग गर्दा ८ टन प्रांगारिक मल र १५० सिलिन्डर बायोग्यास उत्पादन हुन्छ ।

सोही क्रममा किसानले उत्पादन गरेको दुध संकलनका लागि जीवन विकास डेरीको दुध संकलन केन्द्रको पनि उदटन गरिएको थियो ।

सिलिन्डरमा बायोग्यास

तीन हजार घनमिटरको डाइजेस्ट उद्योगबाट प्रांगारिक मलसँगै बायोग्यास पनि उत्पादन गरिरहेको छ ।

यसरी उत्पादन भएको बायोग्यास विराटनगरका दुई डेरीले प्रयोग गर्छन् ।

मण्डलका अनुसार हाल दैनिक ६ किलो दरका ३० सिलिन्डर ग्यास उत्पादन हुन्छ ।

खुद कार्बन उत्सर्जन कम गर्ने अभियानअन्तर्गत उत्पादन सुरु गरेको बायोग्यास एलपीजी ग्यास भन्दा सस्तो रहेको उनको दाबी छ ।

ग्यास र मल उत्पादनका लागि उद्योगले किसानबाट गोबर र अन्य कच्चा पदार्थ खरिद गरिरहेको छ ।

बायोग्यास प्रमुख मण्डलका अनुसार उद्योगका लागि विराटनगर र आसपासमा रहेका गाई भैँसी फर्मबाट गोबर संकलन हुन्छ ।

संकलन भएको गोबरसहितका कच्चा पदार्थबाट उत्पादित ग्यासलाई पाइपलाइनबाट प्युरीफीकेसन हुँदै स्वचालित कम्प्रेसर मेसिनबाट सिलिन्डरमा ग्यास भरिन्छ ।

यसरी उत्पादन भएको ग्यास जीवन विकास डेरी र दुधवाला डेरी फर्मले प्रयोग गर्छ ।

ती उद्योगले एलपिजी ग्यास र दाउरा प्रयोग गर्न छाडेका छन् ।

दुधवाला डेरीका सञ्चालक बिक्की अग्रवालले एलपीजी ग्यासको तुलनामा बायोग्यास निकै सस्तो भएकाले उत्पादन लागत कम भएको बताए ।

‘एलपिजी भन्दा सस्तो छ, प्रभावकारिता उस्तै छ,’ उनले भने,‘साना तथा मझौला उद्योगका लागि प्रभावकारी भयो, सिलिन्डर ठुलो भएका कारण घरका लागि चाहिँ प्रयोग गर्न गाह्रो छ ।’

जीवन विकास डेरी उद्योगका प्रमुख विजय मण्डलका अनुसार बायोग्यासको प्रयोगले उत्पादन लागत कम गरेको छ ।

प्रयोग गर्न पनि सहज भएको उनको भनाइ छ ।

प्रकाशित समय: शुक्रबार २७ पुस, २०८०, १९:२७:००
नेपाल र सिरिया
सिरियामाथि नेपालको सहज जित
मङ्गलबार ८ फाल्गुण, २०८०
कप्तान सन्दीप र बसिरको अर्धशतकमा क्यानडाविरुद्ध नेपाल ‘ए’को रोमाञ्चक जित
मङ्गलबार ८ फाल्गुण, २०८०
मनकामना र नेपाल गुरुकुल स्कुल क्वार्टरफाइनलमा
मङ्गलबार ८ फाल्गुण, २०८०
‘डम्पिङ साइट’ हटाएर फुटसल, विराटनगरका शुभाशीषले गरे झन्डै डेढ करोड लगानी !
मङ्गलबार ८ फाल्गुण, २०८०
नेपालले भारतमा त्रिकोणात्मक सिरिज खेल्ने
मङ्गलबार ८ फाल्गुण, २०८०
केएल दुगड उद्योगले तौल घटाएर चामल र चिउरा बिक्री गर्दै
मङ्गलबार ८ फाल्गुण, २०८०
ग्रामथानमा खेलकुद : दौडमा सञ्जु र सुबिना प्रथम बन्दा, हाजिरी जवाफमा सरस्वती मावि पहिलो
सोमबार ७ फाल्गुण, २०८०
पर्यटकीय क्षेत्र सन्दकपुरमा रेडपाण्डा पार्क सञ्चालन गर्ने मन्त्री उप्रेतीको प्रतिबद्धता
सोमबार ७ फाल्गुण, २०८०
प्रेस स्वतन्त्रता सेनानीसहित क्रियाशील पत्रकारहरू सम्मानित 
सोमबार ७ फाल्गुण, २०८०
यस्तो बन्यो दयाहाङ र आँचल अभिनित ‘डिग्री माइला’को टिजर (भिडिओसहित)
सोमबार ७ फाल्गुण, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
विराटनगरका दुई युवती, जो लागुऔषधसहित समातिए
मङ्गलबार १६ माघ, २०८०
इटहरीमा हात्तीले मोटरसाइकल लछारपछार पार्दा एक जना घाइते
बिहिबार १८ माघ, २०८०
भोजपुरका किसानले फलाए रङबिरङ काउली
आईतबार १४ माघ, २०८०
कानेपोखरीमा दुई भयानक दुर्घटना : एक जनाको मृत्यु, आमा-छोरा घाइते
आईतबार २१ माघ, २०८०
एक लाख धरौटीमा रिहा भए डा. तपेश्वरलाल कर्ण
बिहिबार ४ माघ, २०८०