इलाम । इलामको माई नगरपालिकामा खुकुरी प्रहार गरी बुबाले छोराको हत्या गरेका छन् ।
माई नगरपालिका–६ बिहीबारेका ३७ वर्षीय दिलकुमार राईले आफ्नै छोराको हत्या गरेका हुन् ।
उनले १८ वर्षीय जीवनको खुकुरी प्रहार गरी हत्या गरेको इलाम प्रहरीले जनाएको छ ।
घरायसी विवादमा दिलकुमारले छोरामाथि खुकुरी प्रहार गरेका थिए ।
बुबाको खुकुरी प्रहारबाट गम्भीर घाइते भएका जीवनलाई तत्काल उपचारका लागि झापा लगिएको थियो ।
तर, उनको उपचारको क्रममा मृत्यु भएको इलामका प्रहरी प्रवक्ता प्रहरी नायव उपरीक्षक प्रकाश जबेगूले जानकारी दिए ।
दिलकुमारलाई प्रहरीले नियन्त्रणमा लिएको छ ।
