झापा । झापाको कमल गाउँपालिकाले कृषि प्रयोजनमा लागि प्रयोग हुने ट्र्याक्टरको मनपरी ढङ्गबाट रकम असुल्ने प्रवृत्ति बढेपछि नयाँ उपाय अपनाएको छ ।
नगरपालिकाले ट्र्याक्टरको जोताइ गर्दा हुने रकममा एकरूपता ल्याउन र किसानलाई ठगिनबाट रोक्नका लागि दररेट निर्धारण गरेको हो ।
झापामा नै पहिलोपटक पालिकाले किसानले जोताइमा प्रयोग गर्दाको दररेट तोकेको हो ।
अब रोडाभेटरबाट जो जोतेबापत किसानले प्रतिघण्टा दुई हजार रुपैयाँ तिर्नुपर्ने छ ।
यसभन्दा अघि २५ सय रुपैयाँसम्म ट्र्याक्टरहरूले असुल्दै आएका थिए ।
कल्टिभेटरबाट जोताइगर्दा प्रतिघण्टा १५ सयमात्र तोकिएको छ ।
यो मूल्य निर्धारण नहुँदा किसानबाट दुई हजारभन्दा बढी रकम ट्याक्टर सञ्चालकहरूले लिँदै आएका थिए ।
यसैगरी, धान झार्दा थ्रेसर प्रयोग गर्दा २० टिनको १ टिन किसानले दिनुपर्ने छ ।
यसभन्दा अघि १५ टिनको १ टिन किसानले दिनुपर्ने अवस्था थियो ।
