विराटनगर ।
नेपाल आयल निगमले पेट्रोलियम पदार्थको मूल्य घटाएको छ । शनिबार राति १ बजेदेखि लागू हुनेगरी निगमले पेट्रोल, डिजेल र मट्टितेलमा लिटरको ३ रुपैयाँ मूल्य घटाएको हो ।
नयाँ मूल्यअनुसार काठमाडौं, पोखरा र डिपालय क्षेत्रमा पेट्रोल लिटरको एक सय ६७ रुपैयाँ, डिजल र मट्टीतेल लिटरको एक सय ५७ रुपैयाँ पर्नेछ ।
यसैगरी, चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्ज डिपोको १५ किलोमिटर क्षेत्रमा पेट्रोल लिटरको एक सय ६४ रुपैयाँ ५० पैसा पर्नेछ । डिजल र मट्टीतेलको लिटरको एक सय ५४ रुपैयाँ ५० पैसा पर्नेछ ।
यस्तै, सुर्खेत र दाङ डिपोको १५ किलोमिटर क्षेत्रमा पेट्रोलको लिटरको एक सय ६६ रुपैयाँ, डिजेल र मट्टीतेल लिटरको एक सय ५५ रुपैयाँ पर्छ ।
इन्डियन आयल कर्पोरेसनले शुक्रबार नै पठाएको नयाँ मूल्यमा पेट्रोलमा तीन रुपैयाँ सात पैसा र डिजलमा तीन रुपैयाँ १६ पैसा मूल्य घटेर आएको थियो ।
