२७औं संस्करणको अन्तरविद्यालय जेसिस टेस्टी टेस्टी हाजिरी जवाफ प्रतियोगिताको उपाधि एभरेष्ट विद्यालयले जितेको छ ।
विराटनगर जुनियर जेसिसकाे आयाेजना र काभ्रा ग्रुप अफ इन्डस्ट्रिजकाे प्रायोजन रहेकाे प्रतियाेगितामा सगरमाथा दोस्रो र विकेभिएमले तेस्रो स्थान हासिल गरेका छन् ।
शुक्रबार विराटनगरस्थित आरोहण गुरुकुलमा सम्पन्न प्रतियोगिताको विजेतालाई नगद पुरस्कार, ट्रफी र प्रमाणपत्र प्रदान गरिएकाे विराटनगर जुनियर जेसिसका अध्यक्ष विकल्प न्यौपानेले जानकारी दिए ।
प्रथम हुने सगरमाथाले १५ हजार, द्वितीय हुने सगरमाथाले १० हजार र तृतीय स्थानमा रहन सफल विकेभिएमले पाँच हजार प्राप्त गरेका छन् ।
प्रतियोगिताको फाइनल एवम् समापन कार्यक्रममा जेसिसका वर्तमान एवम् भूतपूर्व पदाधिकारी, शिक्षक, विद्यार्थी र सर्वसाधारणको सहभागिता रहेको थियो ।
प्रतियोगिताको फाइनलमा लिटल फ्लावर्स, सगरमाथा, मोरङ पब्लिक, विकेभिएम, एभरेष्ट, सहिद स्मृति विद्यालयको उपस्थिती रहेको थियो ।
