पेट्रोलियम पदार्थको अभाव हुने भयका कारण विराटनगरका पेट्रोल पम्पहरूमा इन्धन भर्नेको लाइन बढ्न थालेको छ । बिहीबार पनि विराटनगरका पेट्रोलपम्पहरूमा उपभोक्ताको भिड देखिएको छ ।
बुधबारदेखि नै उपभोक्ताले पेट्रोल भाव हुने भयका कारण पम्पहरूमा लाइन बसेर आफ्ना सवारीसाधनमा इन्धन भराउन थालेका हुन् ।
इन्धन बिक्रीवापतको कमिसन र ढुवानी भाडा बृद्धि नगरिएको भन्दै पेट्रोलियम डिलर एसोसिएसन र पूर्वाञ्चल पेट्रोलियम ढुवानी महासङ्घले आन्दोलनको घोषणा गरेसँगै अभावको भय उपभोक्तामा छ ।
तर आन्दोलन घोषणा गरेका एशोसिएसन र महासङ्घले भने आन्दोलन घोषणा गरेपनि १० दिनलाई पुग्ने इन्धन मौज्दात नेपाल आयल निगमसँग रहेको जनाएका छन् ।
आयल निगमले डिलरहरूलाई इन्धन बिक्रीको तीन प्रतिशत कमिसन दिर्दै आएको छ । यसमा केही शीर्षकका करहरू कटौती गर्दा २.६२ पैसा डिलरले पाउँदै आएका छन् ।
तर डिलरहरूले भने निगमसँग पाँच प्रतिशत कमिसन माग गर्दै आएका छन् ।
