स्पेनिस ला लिगा फुटबलको एल क्लासिको भिडन्तमा रियल मड्रिडमाथि बार्सिलोनाले रबाफिलो जित निकालेको छ ।
आइतबार राति भएको एल क्लासिकोमा बार्सिलोनाले रियललाई उसैको मैदानमा ४-० गोल अन्तरले हराउँदै रबाफिलो जित निकालेको हो ।
रियलको मैदानमा बार्सिलोनालाई जित दिलाउन पिएरे एमरिक अबमेयाङले दुई गोल गरे ।
रोनाल्ड अरुजो र फेरान टोरेसले एक एक गोल गरे ।
आर्सनलबाट यसै सिजन आएका पिएरे-एमरिक अबमेयाङको प्रभावशाली प्रदर्शन सम्झनलायक रह्यो ।
उनले दुई गोल र एक गोलका लागि असिस्ट गरेका थिए ।
बार्सिलोनाका लागि २९औँ मिनेटमा अबमेयाङको गोल गरेका थिए ।
उनले डेम्बेलेको पासलाई सदुपयोग गर्दा दोस्रो गोल अराउजोले ३८ औं मिनेटमा गरे ।
पहिलो हाफमा दुई गोलको अग्रता बनाएको बार्सिलोनाले दोस्रो हाफमा थप दुई गोल गरेको थियो ।
उसका लागि टोरेसले ४७औँ मिनेटमा र ५१औँ मिनेटमा अबमेयाङले ब्यक्तिगत दोस्रो तथा टिमका लागि चौथो गोल गरे ।
यो जित अर्जेन्टिनी स्ट्राइकर लियोनल मेस्सीले बार्सिलोना छोडेपछि पहिलो हो ।
रियलले यसअघि पाँच ‘एल क्लासिको’ मा जित निकालेको थियो ।
सिजनको सुरुवात खराब गरेको बार्सिलोना अन्तसम्म आइपुग्दा आफूलाई ट्रयाकमा मात्रै ल्याएको छैन ।
उसले लिगको मध्यभागबाट आफूलाई शीर्ष दुई नजिक लगेको छ ।
जितसँगै बार्सिलोनाले रियलसँग हारको बदला लिएको छ ।
यसभन्दा अघिका पाँच एल क्लासिकोमा रियल हाबी भएको थियो ।
पाँचै खेलमा रियलले बार्सिलोनामाथि जित दर्ता गरेको थियो ।
यस्तै, जितपछि २८ खेलमा ५४ अङ्क जोडेको बार्सिलोना तेस्रो स्थानमा उक्लिएको छ ।
२९ खेल खेलेको रियल भने ६६ अङ्कसहित शीर्ष स्थानमा छ ।
रियलले उपाधि होडमा अब्बलता बनाउँदा सेभिल्ला ५७ अङ्कका साथ दोस्रो स्थानमा छ ।
तथापि, सेभिल्ला गएराति भएको अर्को खेलमा अङ्क बाँड्न बाध्य भएको थियो ।
रियल साेसिडाडसँग गोलहित बराबरी खेल्दै सेभिल्लाले अङ्क बाँडेको हो ।
घरेलु मैदानमा भएको खेलको निर्धारित समय दुवै टिमले गोल गर्न नसक्दा १-१ अङ्क बाँडे ।
साविक विजेता एथ्लेटिको मड्रिड भने ५४ अङ्कका साथ चाैथाे स्थानमा छ ।
यो पनि :
च्याम्पियन्स लिग : एथ्लेटिकोसँग पराजित युनाइटेड बाहिरियो, चलेन रोनाल्डोको जादू
