नेपाली राष्ट्रिय क्रिकेट टोलीका कप्तान सन्दीप लामिछाने र युवा ओपनर कुशल भुर्तेलले राम्रो फड्को मारेका छन् ।
अन्तर्राष्ट्रिय क्रिकेट परिषद् (आइसिसी) ले बुधबार सार्वजनिक गरको वलिङको वरीयतामा सन्दीपले सात स्थान र कुशलले ब्याटिङमा आठ स्थान सुधार गरे ।
ब्याटिङतर्फ कुशल ३१औँ स्थानमा उक्लिएका छन् । यसअघि उनी ३९औँ स्थानमा थिए । ब्याटिङमा दीपेन्द्रसिंह ऐरी ५०औँ स्थानमा हुन् ।
बलिङमा सन्दीप ३६औँ स्थानमा उक्लिएका छन् । यसअघि सन्दीप ४३औँ स्थानमा थिए । नयाँ वरीयताको बलिङमा अभिनाश बोहरा ८२औँ स्थानमा उक्लिएका छन् ।
यसअघि उनी ८६औँ स्थानमा थिए । हालै ओमानमा भएको आइसिसी टी–२० विश्वकप ग्लेबल छनोटको प्रदर्शनका आधारमा नेपाली खेलाडीको वरीयता सुधार भएको हो । टी–२० वरीयतामा नेपाल १३औँ र एकदीवसीयमा १६औँ स्थानमा छ ।
