नेपालका ‘विश्व रेकर्डधारी’ ऋषिको नाममा थपियो अर्को कीर्तिमान !

शब्द एक्स्प्रेस संवाददाता
आईतबार ८ फाल्गुण, २०७८
२ वर्षअघि
ऋषि परियार

नेपालका ‘विश्व रेकर्डधारी’ ऋषिराम परियारले अर्को विश्व रेकर्ड कायम गरेका छन् ।

दाङको तुलसीपुर उपमहानगरपालिका–३ रानागाउँका  ऋषिले ड्रमस्टिक घुमाएर नयाँ कीर्तिमान बनाएका हुन् ।

गिनिज बुकमा विभिन्न विधामा नाम लेखाएका २३ वर्षीय ऋषिले सन् २०२० को जनवरी ३१ मा जम्पिङ्ग जक्सबाट विश्व रेकर्ड राखेका थिए ।

‘द मोस्ट जम्पिङ्ग जक्स इन वान मिनेट’ को रेकर्ड परियारको नाममा छ ।

परियारले भारतीय नागरिकले एक मिनेटमा सय १६ पटक जम्पिङ्ग जक्स गर्दै बनाएको कीर्तिमान परियारले एक सय २३ पटक गर्दै भङ्ग गरेका थिए ।

यस्तै, उनले हालैमात्र एउटा विश्व कीर्तिमान आफ्नो नाममा सारेका हुन् ।

उनले ३० सेकेन्डमा ड्रमस्ट्रिक धेरै पटक घुमाएर ‘मोस्ट ड्रमस्टिक फ्लिप्स इन ३० सेडेन्ड’ विधामा गिनिज बुकमा नाम लेखाए ।

ड्रम को स्टिकलाई हातमा राखेर छिटोछिटो घुमाउनु पर्ने सो विधामा उनले ५७ पटक घुमाए ।

यसअघि रेकर्ड बनाएका व्यक्तिले भने ५५ पटक ड्रमस्टिक घुमाएका थिए ।

अब, यसको प्रमाणपत्र ल्याउन बाँकी रहेको उनको भनाइ छ ।

प्रमाणपत्र लन्डनबाट नेपाल ल्याउनलाई कुरियर खर्च लाग्ने बताउँदै उनले त्यसको व्यवस्था मिलाएर छिटै प्रमाणपत्र हातमा लिने बताए ।

अहिले उनी उल्टो पैदल यात्राबाट विश्व कीर्तिमान बनाउने लक्ष्यमा छन् ।

यसका लागि उनी २३ दिनयता लगातार उल्टो हिँडिरहेका छन् ।

उल्टो पैदल यात्रा गरी विश्व रेकर्ड बनाउने तयारीमा जुटेका उनी अहिले बाराको पत्लैया पुगेका छन् ।

तीन साताभन्दा अगाडिदेखि मेची–महाकाली उल्टो पैदल यात्रा सुरु गरेका परियारले हालसम्म चार सय किलोमिटरको यात्रा पूरा गरिसकेका छन् ।

दैनिक २२ किलोमिटरसम्म यात्रा गर्ने परियारले अहिलेसम्म बिसाएका छैनन् ।

मुख्य राजमार्गको एक छेउ भएर निरन्तर हिँडिरहने ऋषि झोलामा नेपालको राष्ट्रिय झन्डा सिउरिएर हिँड्छन् ।

राष्ट्रिय भेषभूषा दौरा सरुवाल, निलो स्टकोट र कालो भादगाउँले टोपीमा सजिएका परियार ठाउँअनुसारको भेषभूषा लगाउँछन् ।

मधेस प्रदेश टेकेपछि धोती–कुर्ता लगाएर आफ्नो यात्रालाई निरन्तरता दिने ऋषि यो यात्रामा एक्लै छन् ।

तर सामाजिक सञ्जालमार्फत उनको अभियानबारे थाहा पाएका स्थानीहरू पनि सँगसँगै हिँड्छन् ।

काँकरभिट्टाको मेची नदि किनारबाट आफ्नो यात्रा थालेका उनी स्वस्थ बन्न दैनिक कम्तिमा एक घण्टा अनिवार्य हिँड्नु पर्छ भन्ने स्वास्थ्य सन्देश लिएर हिँड्न थालेका हुन् ।

प्रकाशित समय: आईतबार ८ फाल्गुण, २०७८, २१:१६:५८

सम्बन्धित खबर

अन्तरप्रदेश खेलकुद : स्विमिङमा कोशीलाई १९ पदक
शुक्रबार ३० चैत, २०८०
अन्तरप्रदेश खेलकुद : भलिबलमा कोशीलाई रजत, गण्डकीलाई स्वर्ण
शुक्रबार ३० चैत, २०८०
संसदको गति अवरोध चाँडै अन्त्य हुन्छ : प्रधानमन्त्री प्रचण्ड
बिहिबार २९ चैत, २०८०
अन्तरप्रदेश खेलकुद : पुरुष भलिबलमा कोशी स्वर्णनजिक
बिहिबार २९ चैत, २०८०
हेरिटेज इन्टरनेसनल स्कुलको दीक्षान्त समारोह : केजीबाट एक कक्षामा पुगेका विद्यार्थी दीक्षित
बिहिबार २९ चैत, २०८०
महिला फुटबलमा पनि स्वर्णनजिक कोशी
बुधबार २८ चैत, २०८०
अन्तर प्रदेश खेलकुद : पुरुष फुटबलमा स्वर्णनजिक कोशी
बुधबार २८ चैत, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
अन्तरप्रदेश खेलकुद : कोशीको पोल्टामा ५६ पदक
मङ्गलबार २७ चैत, २०८०
अन्तरप्रदेश खेलकुद : मैदानको कन्तबिजोग, फितलो व्यवस्थापनले खेलाडीलाई सास्ती
मङ्गलबार २७ चैत, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
विराटनगरमा हनी ट्रयापको बिगबिगी : एक जनाबाटै ठगिए २५ बढी पुरुष
आईतबार ४ चैत, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
सुन्दरहरैंचाबाट पाँच लाख रुपैयाँसहित समातिइन् लागुऔषध कारोबारी सुनिता राई
बिहिबार १ चैत, २०८०
रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक
बुधबार २८ चैत, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
बुबाको मृत्युपछि आमाको गर्जो धान्दै थिइन् सम्झना, सडक दुर्घटनामा गयो उनकै ज्यान
बिहिबार १७ फाल्गुण, २०८०