आइसिसी टी-२० विश्वकप छनोट प्रतियोगिताका लागि नेपाली राष्ट्रिय टिम घोषणा गरिएको छ ।
नेपाल क्रिकेट सङ्घ (क्यान) ले शुक्रबारदेखि ओमानमा हुने प्रतियोगिताका लागि सन्दीप लामिछानेको कप्तानीमा १४ सदस्यीय नेपाली टिम घोषणा गरेको हो ।
टिममा तीव्र गतिका बलर करण केसीको स्थानमा गुल्शनकुमार झाले स्थान बनाएका छन् । केसी चोटका कारण टिमबाट बाहिरिएका हुन् ।
आइसिसी पुरुष टी–२० विश्वकपअन्तर्गतको ग्लोबल छनोटको तयारीमा छ ।
नेपाली टोलीले ओमानमा फेब्रुअरी १८ देखि २४ तारिखसम्म आयोजना हुने ग्लोबल छनोट खेलमा सहभागी हुने छ ।
यही वर्ष अस्ट्रेलियामा आयोजना हुने विश्वकप छनोटका लागि नेपाल समूह ‘ए’ मा परेको छ ।
समूहमा नेपालसहित ओमान, बहराइन, क्यानडा, जमर्नी, आयरल्यान्ड, फिलिपिन्स र यूएई गरेर आठ टोली छन् ।
आठ टोलीलाई पनि दुई समूहमा विभाजन गरिएको छ ।
नेपालको समूहमा क्यानडा, ओमान र फिलिपिन्स छन् ।
अर्को समूहमा आयरल्यान्ड, यूएई, बहराइन र जमर्नी छन् ।
नेपालले उद्घाटन खेलमा नेपालले फेब्रुअरी १८ तारिख आयोजक ओमानसँग खेल्नेछ ।
यसैगरी ग्लोबल छनोटका लागि समूह ‘बी’ मा जिम्बावे, हङकङ, जर्सी, नेदरल्यान्ड्स, पपुवा न्युगिनी, सिंगापुर, युगान्डा र अमेरिका छन् ।
समूह ‘बी’ को छनोट खेल भने जुलाई ११ देखि १७ सम्म जिम्बावेमा हुनेछ ।
दुवै समूहका शीर्ष दुई टोलीले विश्वकपमा स्थान बनाउनेछन् ।
टोलीमा यस पटक सागर ढकाल पनि समेटिएका छन् ।
यसअघि क्यान र प्रशिक्षक पुबुदु दसानायकेले घोषणा गरेको १६ सदस्यीय टोलीमा उनी परेका थिएनन् ।
सागरलाई समेटेपछि १७ सदस्यीय टोल बनेको छ ।
सागरले हालै सम्पन्न प्रधानमन्त्री कप टी–२० क्रिकेट प्रतियोगितामा उत्कृष्ट प्रदर्शन गरेका थिए ।
टोलीमा सागरसँगै सन्दीप लामिछाने (कप्तान), कुशल भुर्तेल, ज्ञानेन्द्र मल्ल, दिपेन्द्रसिंह ऐरी, शरद भेषवाकर, करण केसी, आरिफ शेख छन् ।
यस्तै, कुशल मल्ल, आसिफ शेख, कमलसिंह ऐरी, शाहब आलम, अविनाश बोहरा, प्रदिप ऐरी, जितेन्द्र मुखिया, विवेक यादव र लोकेश बम पनि टिममा छन् ।
नेपाली टिम
सन्दीप लामिछाने (कप्तान), शरद भेषवाकर, ज्ञानेन्द्र मल्ल, दीपेन्द्रसिंह ऐरी, कुशल भुर्तेल, मोहमद आसिफ शेख, मोमहद आरिफ शेख, अभिनास बोहरा, जितेन्द्रकुमार मुखिया, कमलसिंह ऐरी, विवेककुमार यादव, लोकेशबहादुर बम, सागर ढकाल, गुल्शनकुमार झा
वैकल्पिक खेलाडी
कुशल मल्ल, साहब अलाम, प्रदीप ऐरी
टिम अफिसियल्स
पुबुदु दसानायके- प्रमुख प्रशिक्षक
धम्मीका प्रसाद- कन्सल्ट्यान्ट बलिङ प्रशिक्षक
विक्रम न्यौपाने- फिजियो
रमन सिवाकोटी – विश्लेषक
सुमनराज कार्की – व्यवस्थापक
