मेटाका संस्थापक मार्क जुकरबर्ग विश्वका १० अर्बपतिहरूको सूचीबाट बाहिरिएका छन् ।
हाल विभिन्न कारण मेटाको सेयरको मूल्य लगातार घट्दा जुकरबर्गको आम्दानी हुँदै गएको हो ।
फोर्ब्सले सार्वजनिक गरेको विश्वका अर्बपतिहरूको सूचीअनुसार उनी १३औँ स्थानमा झरेका हुन् ।
मङ्गलबारसम्म जुकरबर्गको सम्पत्ति ५.०१ प्रतिशतले कम भई ८०.३ अर्ब डलरमा पुगेको छ । अघिल्लो वर्षकै कुरा गर्ने हो भने उनी अर्बपतिहरूको सूचीमा पाँचौँ स्थानमा थिए ।
केही समयता मेटाले विभिन्न किसीमका समस्या भोग्दै आइरहेको छ ।
जसको कारण मेटाको बजार मूल्य घट्दा गत बिहीबार जुकरबर्गको नाफा ३१ अर्ब डलरले घटेको थियो ।
सो दिनसम्म उनी उत्कृष्ट १० कै सूचीमा थिए ।
मङ्गलबारमात्र उनको सम्पत्ति ४.२ अर्ब डलरले घटेको छ ।
कोरोना महामारीको समयमा मेटाअन्तर्गतको फेसबुकलाई भ्याक्सिनसम्बन्धी गलत समाचार फैलाएको आरोप लागेको थियो ।
यस्तै, सन् २०२१ को जुनमा अमेरिकी सङ्घीय सरकारले फेसबुकले आफ्ना प्रतिस्पर्धीलाई खरिद गरेको आरोपमा इन्स्टाग्राम र ह्वाट्सएप बिक्री गर्न भन्दै मुद्दा दायरसमेत गरेको थियो ।
हुन त त्यो मुद्दामा फैसला मेटाको पक्षमा नै आएको थियो ।
त्यतिमात्र नभएर हाल पहिलोपटक फेसबुकको प्रयोगकर्ता पनि घटिरहेका छन् ।
फोर्ब्सका सार्वजनिक गरेको अर्बपतिहरूको सूचीको पहिलो नम्बरमा एलन मस्क रहेका छन् ।
यस्तै, दोस्रोमा बर्नार्ड आर्नल्ड, तेस्रोमा जेफ बेजोस, चौथौमा बिल गेट्स र पाँचौँमा ल्यारी पेज रहेका छन् ।
त्यसैगरी क्रमशः वारेन बफेट, सर्गे ब्रिन, ल्यारी एलिसन, स्टिभ बालमर र दशौँमा मुकेश अम्बानी रहेका छन् ।
