नेपाली कम्पनी जगदम्बा स्टिलले आफ्नो उत्पादन तेस्रो मुलुकमा निर्यात सुरू गरेको छ ।
जगदम्बा स्टिलका ‘कलर कोटेड कोइल्स तथा सिट’हरू दक्षिणपूर्वी, मध्यपूर्वी एसियाली राष्ट्र तथा दक्षिण अफ्रिकामा निर्यात हुन थालेको कम्पनीले जनाएको छ ।
कम्पनीले बताए अनुसार ती राष्ट्रहरूबाट जगदम्बाले उत्पादन गरेका सामग्रीको माग बढेको र उत्पादनलाई उपभोक्ताले समेत मन पराएका छन् ।
शंकर ग्रुपको लगानी रहेको जगदम्बा स्टिल नेपाली उत्पादन तेस्रो देशमा निर्यात गर्ने पहिलो कम्पनी रहेको ग्रुपका अध्यक्ष शंकर लाल अग्रवालले दाबी गरेका छन् ।
उपभोक्ताको सन्तुष्टिका लागि गुणस्तरमा आफूहरू प्रतिबद्ध रहेको अध्यक्ष अग्रवालले बताएका छन् ।
अत्याधुनिक प्लान्टमार्फत निर्मित जगदम्बाका उत्पादनलाई माया गर्ने र प्रयोग गर्ने उपभोक्तालाई धन्यवाद दिँदै ग्रुपका अध्यक्ष अग्रवालले अझै उत्कृष्ट उत्पादन बजारमा ल्याउने प्रतिबद्धता व्यक्त गरेका छन् ।
‘जगदम्बालाई दिनुभएको माया र साथ लागि हामी नेपाली उपभोक्ताप्रति कृतज्ञ छौँ’ तेस्रो देश निर्यात थालनीको अवसरमा आयोजित कार्यक्रममा अध्यक्ष अग्रवालले भने, ‘अझै उत्कृष्ट उत्पादन बजारमा ल्याउने हाम्रो प्रयास जारी रहनेछ ।’
