नेपालका चर्चित भ्लगर चेतन कार्की खैरो हेरोइन र गाँजासहित पक्राउ परेका छन् ।
उनलाई खुर्कोटबाट पक्राउ गरि थप अनुसन्धानका लागि प्रहरीले नियन्त्रणमा लिएको छ ।
क्यापर ट्रकसहित पक्राउ परेका कार्कीविरुद्ध सिन्धुली जिल्ला अदालतबाट ७ दिनको म्याद थपी अनुसन्धान सुरू गरिएको छ ।
युट्युबमा पाँच लाख ६९ हजार सब्सक्राइबर रहेको कार्कीले भर्खरै मात्र नेपालमा गाँजा वैधानकि गराइनुपर्छ कि पर्दैन भन्ने विषयमा पोडकास्ट अपलोड गरेका छन् ।
५५ हजार बढीले हेरिसकेको सो भिडियोमा भ्लगर कार्कीले दुई युवतीसँग गफ गरेका छन् ।
नेपाली महिलाहरूले गाँजा र यसलाई वैधानिकता दिनुपर्छ भन्ने विषयमा के सोच्छन् ? भन्ने शीर्षकको भिडियो अपलोड गरेको केही दिनमा कार्की स्वयम् नै लागूऔषधसहित पक्राउ परेका हुन् ।
