साताको कारोबारको पहिलो दिन सेयर कारोबार सकारात्मक देखिएको छ ।
सेयर कारोबार मापक नेप्से परिसूचकमा एक सय पाँच अङ्कको वृद्धि भएको छ ।
३.८० प्रतिशतले वृद्धि भएको नेप्से २८८५.५३ अङ्कका पुगेर बन्द भएको हो ।
आज एक करोड २१ लाख ५५ हजार चार सय ४२ कित्ता सेयर किनबेच हुँदा ६ अर्ब ३२ करोड ४२ लाख ७४ हजार ३८ दशमलव ५७ रुपैँयाको कारोबार भएको छ ।
दुई सय ३१ कम्पनीका सेयर खरिदबिक्री हुँदा कूल ८१ हजार सात ६ कारोबार भएका छन् ।
आज नेप्सेका १३ वटै सव–इन्डिसेस हरियो देखिएका छन् । सव–इन्डिसेसतर्फ सर्वाधिक ४३१.६१ अङ्कको नन–लाइफ इन्स्योरेन्समा वृद्धि हुँदा सबैभन्दा कम म्युचल फन्डमा ०.२८ प्रतिशत देखिएको छ ।
नेप्सेमा सूचीकृत पाँच कम्पनीमा आज पोजेटिभ सर्किट लागेको छ । त्यसबाहेकका अन्य कम्पनीको सेयर मूल्यमा समेत वृद्धि भएको छ ।
शनिबार नेपाल सरकारले जेठमा निर्वाचन गराउने निर्णय गरेसँगै बजारमा सकारात्मक प्रभाव देखिएको हो ।
बुलिस ट्रेन्डमा बजार रहेको बेला निर्वाचन आउनुले नेप्सेमा करेक्सन हुन सुरू भएको हुनसक्ने अनुमान गरिएको छ ।
निर्वाचनका उम्मेदवार तथा राजनीतिक पार्टीहरुले खर्च गर्ने भएकाले त्यसले बजारमा सकारात्मक असर गर्ने विश्लेषकहरू बताउँछन् ।
