एकल अवस्थामा रहँदा महिलामात्रै नभई पुरुष पनि समस्यामा पर्ने भएका कारण पर्वतको फलेवास नगरपालिकाले एकल पुरुष अर्थात् विधुरलाई मासिक भत्ता उपलब्ध गराउन थालेको छ ।
शुक्रबारदेखि लागु हुने गरी यो कार्यक्रमको थालनी गरिएको नगरपालिकाका प्रवक्ता टीकाराम गौडेलले बताए ।
यो कार्यक्रम चालू आर्थिक वर्षको माघ महिनाबाट सुरु गरिएको गौडेलको भनाइ छ ।
११ वटा वडा रहेको नगरपालिकाका सबै वडाबाट विवरण सङ्कलनको काम पूरा भएको उनले बताए ।
यदि कतै छुटेका भए तीबाहेक ८४ जना एकल पुरुष रहेको र उनीहरूलाई मासिक एक हजार रुपैयाँका दरले भत्ता दिइने नगरपालिकाले जनाएको छ ।
प्रवक्ता गौडेलका अनुसार नगरपालिकाका भित्रका ११ वटै वडाबाट विवरण सङ्कलन गर्दा ८४ जना एकल अर्थात् विधुर पुरुष रहेको तथ्याङ्क आएको भनाइ छ ।
समग्रमा ७० वर्ष उमेर पुग्ने बेलासम्म भनिए पनि दलित पुरुषले ५९ र अन्य जातका पुरुषले ६९ वर्षसम्म यो भत्ता पाउने नगरपालिकाले जनाएको छ ।
