प्रयोगकर्तालाई गाेप्य तरिकाले ट्रयाक गरेको भन्दै चर्चित सर्च इन्जिन गुगलविरुद्ध अमेरिकामा मुद्दा दायर भएको छ ।
अमेरिकाका तीन राज्य र डिस्ट्रिक्ट अफ कोलम्बियाले गुगलविरुद्ध प्रयोगकर्तालाई गोप्य रुपमा ट्रयाक गरेको भन्दै अदालतमा मुद्दा दायर गरेका छन् ।
टेक्सस, वासिङ्गटन र इन्डियाना राज्यका महान्यायधिवक्ता र कोलम्बिया जिल्लाका महान्यायधिवक्ताले गुगलविरुद्ध मुद्दा दायर गरेको द न्यूयोर्क टाइम्सले उल्लेख गरेको छ ।
गुगल म्याप्स र सर्च इन्जिन प्रयोग गर्दा र एन्ड्रोइड प्रयोगकर्ताले लोकेसन सेयरिङ अप्सन अफ गर्दा समेत गुगलले ट्रयाक गरेको र प्रयोगकर्ताको व्यक्तिगत डाटा सङ्कलन गर्ने गरेको आरोप गुगलविरुद्ध लगाइएको छ ।
तर गुगलले भने आफूविरुद्ध दायर गरिएको सबै आरोप झुठो भएको भन्दै खण्डन गरेको छ ।
प्रयोगकर्ताको प्राइभेसी पोलेसीप्रति गुगल सधैँ सतर्क रहेको बताउँदै गुगलले त्यसका लागि कम्पनीले धेरै परिवर्तन समेत गरेको बताएको छ ।
चार महान्यायधीवक्ताले गुगललाई दोषी देखाइ दायर गरेको मुद्दाको सुनुवाइ हुन भने बाँकी छ ।
