वर्तमान अवस्थामा आइपुग्दा विश्वमा फाइभजी सेवा सुरु भइसकेको छ ।
टुजीका कारण सुरुवातमा धेरै मोबाइल प्रयोगकर्ताहरूको इन्टरनेटमा पहुँच सहज भएको थियो । तर अहिले आएर प्रविधिको विकाससँगै टुजीको प्रयोग कम भएको छ ।
टुजीमा प्रायजसो धेरै सुरक्षा कमजोरी भेटिएको छ । ह्याकरले सजिलै टूजीको फेक सेल टावर बनाएर डिभाइसमा कनेक्ट गरी प्रयोगकर्ताको गतिविधिहरूलाई नियाल्नसमेत सक्छन् ।
हाल टुजी सपोर्ट गर्ने फोनहरू लगभग आउन छाडिसकेका छन् तर कहिलेकाही नेटवर्कले काम नगरेको अवस्थामा भने टुजी सपोर्ट गर्ने फोनमा अटो कनेक्ट हुन पनि सक्छ ।
तपाईं एन्ड्रोइडको १२ भन्दा पुरानो भर्सन प्रयोग गर्दै हुनुहुन्छ भने टुजी डिसेबल गर्न सकिँदैन ।
टुजी डिसेवल गर्नका लागि सेटिङमा जानुहोस्, नेटवर्क एन्ड इन्टरनेट अथवा कनेक्सन्स मा क्लिक गर्नुपर्ने हुन्छ । त्यसपछि सिम अप्सनमा क्लिक गरी टुजी अप्सन अलाउलाई अफ गरिदिनुहोस् ।
